ഇന്നത്തെ ഹര്‍ത്താല്‍ ആവശൃമോ ?????????

നിങ്ങള്‍ ഇതിന് പരിഹാര മാര്‍ഗ്ഗം നിര്‍ദ്ദേശിക്കാമോ ???????

എന്ത് കൊണ്ട്ട് ?മോഹന്ലാലിനെ തിരെ കേസ് എടുക്കുന്നില്ല ???????

പരസ്യമായി നിയമം ലംഘിക്കുന്ന സിനിമാതാരം മോഹന്‍ലാലിനെതിരെ നിയമനടപടികള്‍ സ്വീകരിക്കാന്‍ സര്‍ക്കാരും പോലീസും മടിക്കുന്നു. പുകവലിക്കുകയും മദ്യപിക്കുകയും ചെയ്യുന്ന സീനുകള്‍ പാടില്ലെന്ന നിയമം നിലനില്‍ക്കേ അവ രണ്ടും പരസ്യമായി ലംഘിച്ച സൂപ്പര്‍സ്റ്റാറിനെതിരെ ചെറുവിരലനക്കാന്‍ പോലും അധികൃതര്‍ തയ്യാറാവുന്നില്ല.

പൊതുസ്ഥലത്ത് മദ്യപിക്കുകയോ പുകവലിക്കുകയോ പാടില്ലെന്നാണ് നിയമം. കേന്ദ്ര ആരോഗ്യമന്ത്രാലയം ആരോഗ്യം & കുടുംബക്ഷേമ വകുപ്പ് 2003 ല്‍ സെക്ഷന്‍ 31 ആയി ഇറക്കിയ ഉത്തരവില്‍ പരസ്യ പുകവലി ഇന്ത്യയില്‍ കുറ്റകരമായി കണക്കാക്കുന്നതാണ്. കലാപ്രകടനമെന്ന പേരിലായാലും ഇന്ത്യന്‍ സിനിമകളിലും പുകവലിക്കുകയോ മദ്യപിക്കുകയോ ചെയ്യുന്ന ദൃശ്യങ്ങള്‍ ഉള്‍പ്പെടുത്തരുതെന്ന് ഉത്തരവുണ്ട്. എന്നാല്‍ ഇവയുടെ പരസ്യമായ ലംഘനമാണ് രഞ്ജിത്ത് സംവിധാനം ചെയ്ത മോഹന്‍ലാല്‍ പടം നടത്തിയിരിക്കുന്നത്. മോഹന്‍ലാല്‍ ഒരു കൈയില്‍ എരിയുന്ന സിഗരറ്റും മറുകൈയില്‍ മദ്യഗ്ലാസുമേന്തിയുള്ള പടുകൂറ്റന്‍ പരസ്യങ്ങള്‍ നാടുനീളെ പതിച്ചിട്ടുണ്ട്.

സിഗരറ്റുമേന്തി ഇതേ ചിത്രത്തിന്റെ പരസ്യത്തില്‍ പ്രത്യക്ഷപ്പെട്ടതിന് യുവതാരം ഫഹദിനെതിരെ പോലീസ് കേസ്സെടുത്തിട്ടുണ്ട്. എന്നാല്‍ കുറ്റകൃത്യത്തില്‍ തത്തുല്യ പങ്കാളിയായ സൂപ്പര്‍സ്റ്റാറിനതിരെ ഒരു ചെറുവിരലനക്കാന്‍ പോലീസ് ഇതുവരെ തയ്യാറായിട്ടില്ല. പുകവലിയും മദ്യപാനവും മഹത്വവത്കരിക്കുന്ന രീതിയിലുള്ള സ്പിരിറ്റ് സിനിമാ പരസ്യം നീക്കം ചെയ്യണമെന്ന് കോടതി ഉത്തരവുണ്ടായിട്ടും അതും പാലിക്കപ്പെടുന്നില്ല, അത്തരം പരസ്യങ്ങള്‍ നീക്കം ചെയ്യാനോ, അവ പ്രദര്‍ശിപ്പിക്കുന്നവര്‍ക്കെതിരെ നടപടിയെടുക്കാനോ പോലീസ് തയ്യാറാവാത്തത് വ്യാപകമായ ആക്ഷേപത്തിനിടയാക്കിയിട്ടുണ്ട്.
മാധ്യമങ്ങളും ഇതു കണ്ടില്ലെന്നു നടിക്കുകയാണ്. രാഷ്ട്രീയ വിവാദങ്ങള്‍ മാത്രം ഇഷ്ടവിഷയമാക്കി ചര്‍ച്ച ചെയ്യുന്ന മാധ്യമങ്ങള്‍ ജനജീവിതത്തെ ബാധിക്കുന്ന വിഷയങ്ങള്‍ പരിഗണിക്കുന്നില്ലെന്ന ആക്ഷേപത്തെ ശരിവെക്കുന്ന നിലപാടാണിത്.

പുകവലിയും മദ്യപാനവും പൊതുജനാരോഗ്യത്തിന് പ്രത്യേകിച്ച് സ്ത്രീകളുടെയും കുട്ടികളുടെയും ക്ഷേമത്തിന് ഏറെ ദോഷം ചെയ്യുന്നതു കൊണ്ടാണ് കേന്ദ്ര ആരോഗ്യമന്ത്രാലയവും നീതിപീഠങ്ങളും അവക്കെതിരെ ശക്തമായ നിലപാട് സ്വീകരിച്ചിരിക്കുന്നത്. 

എന്നാല്‍ മറ്റു പല താത്പര്യങ്ങളും പരിഗണിക്കുമ്പോള്‍ ഈ നിയമങ്ങള്‍ പാലിക്കാന്‍ സര്‍ക്കാരോ അവരുടെ നിയന്ത്രണത്തിലുള്ള പോലീസോ തുനിയാത്തതാണ് സ്പിരിറ്റ് പരസ്യം പോലുള്ള നിയമലംഘനങ്ങള്‍ ഉണ്ടാവുന്നത്. ഏറെ ആരാധകരുള്ള സൂപ്പര്‍സ്റ്റാര്‍ മോഹന്‍ലാലിനെപ്പോലൊരു നടനും ജനപ്രിയ സിനിമകളുടെ സംവിധായകനായ രഞ്ജിത്തും ഇങ്ങനെ പരസ്യമായ നിയമലംഘനത്തിനു മുതിരുന്നത് അധികാര കേന്ദ്രങ്ങളുടെ ദൗര്‍ബല്യം ചൂഷണം ചെയ്യാന്‍ അവര്‍ക്കറിയാമെന്നതു കൊണ്ട് മാത്രമാണ്. 
നിയമം ലംഘിച്ചു കൊണ്ട് മോഹന്‍ലാല്‍ പരസ്യം നാടെങ്ങും ആഭാസമായി ഉയര്‍ന്നു നില്‍ക്കുമ്പോഴും അവര്‍ക്കെതിരെ നടപടിയെടുക്കാത്ത പോലീസ് പാവം പൗരന്‍മാര്‍ ചെയ്യുന്ന പരസ്യപുകവലിക്കെതിരെയും മദ്യപാനത്തിനെതിരെയും കര്‍ശന നടപടിയെടുക്കുന്നത് മഹാഭാഗ്യമായി കാണാം. സകല വില്ലത്തരങ്ങളേയും മഹത്വവത്കരിക്കുന്ന മോഹന്‍ലാല്‍ കഥാപാത്രങ്ങളുടെ ജൈത്രയാത്ര ഇതിനു മുമ്പും അരങ്ങേറിയിട്ടുണ്ട്. വര്‍ഗ്ഗീയ പരാമര്‍ശങ്ങളല്ലാത്തതു കൊണ്ടാവാം പൊതുജന സംഘടനകളും ഈ ദുഷ്പ്രകടനങ്ങള്‍ കണ്ടില്ലെന്നു നടിക്കുന്നു. 

അക്രമ സമരങ്ങളെ അടിച്ചുതന്നെ ഒതുക്കണം .വിദ്യാര്ത്ഥി സമരം അക്രമമാകാന് പാടില്ല

തിരുവനന്തപുരം യുണിവേഴ്സിറ്റി കോളേജ് ക്യാമ്പസ്‌ കേരളത്തിന്റെ വിദ്യാഭ്യാസ ചരിത്രത്തില്‍തന്നെ ഇടം നേടിയ വിദ്യാഭാസ കേന്ദ്രമാണ് .

എന്നാല്‍ കുറെ കാലമായി അവിടെനിന്നും പുറത്തുവരുന്ന വാര്‍ത്തകള്‍ അത്ര ശുഭകരമല്ല .ഈ ക്യാമ്പസ്‌ തലസ്ഥാനത്തെ അക്രമസംഭവങ്ങള്‍ക്ക് കേന്ദ്രസ്ഥാനമാകുന്നു എന്ന ആരോപണം കുറെ കാലമായുണ്ട് .വിദ്യാര്‍ഥി സമരത്തിന്‍റെ പേരില്‍ ഒരു വിഭാഗം ക്രിമിനലുകള്‍ ക്യാമ്പസ്‌ താവളമാക്കുന്നു എന്ന ആരോപണമാണ് ശക്തം .

കെ എസ് യുവും ,കോണ്ഗ്രസുമാണ് ഈ ആരോപണങ്ങള്‍ ഏറ്റവും അധികം ഉന്നയിച്ചിട്ടുള്ളത് .ഇന്നലെ തിരുവനന്തപുരത്ത്‌ നടന്ന അക്രമ സംഭവങ്ങളെ തുടര്‍ന്നും ഇവര്‍ ഈ ആരോപണം ഉന്നയിച്ചിട്ടുണ്ട് .

ഇന്നലത്തെ സമരത്തിനിടെ ക്യാമ്പസിനുള്ളില്‍ നിന്നും പോലീസിനു നേരെ കല്ലേറ് ഉണ്ടാവുകയായിരുന്നു .മുഖം മറച്ച ഏതാനും ചിലരാണ് പോലീസിനു നേരെ കല്ലെറിഞ്ഞത് എന്ന് സംശയിക്കുന്നു .അത് വിദ്യാര്‍ഥികളായിരുന്നോ, അതോ പുറത്തു നിന്നുള്ള ക്രിമിനിലുകളാണോ എന്നാണ് സംശയം .

പോലീസിനെ പ്രകോപിപ്പിക്കാന്‍ വേണ്ടിയുള്ള ശ്രമമായിരുന്നു ഇതെന്ന് വ്യക്തം .ഇതേതുടര്‍ന്നാണ് തലസ്ഥാനം യുദ്ധക്കളമായി മാറിയത് .ഇതുമൂലം തലസ്ഥാനത്ത് എത്തിയ ആയിരകണക്കിന് ആളുകള്‍ കുരുക്കില്‍ അകപെട്ട് സമയം നഷ്ട്ടപെട്ടു കാര്യം നടത്താന്‍ കഴിയാതെ തിരിച്ചുപോയി .

ഇത് ഗുരുതരമായ വിഷയമാണ് .ജനത്തിന്‍റെ പൗരസ്വാതന്ത്ര്യമാണ് ഇവിടെ തടസ്സപെടുന്നത് .ഇത് അനുവദിക്കാന്‍ പാടില്ല .എന്ന് മാത്രമല്ല ഗൗരവമായി കാണുകയും വേണം .സമാധാനപരമായി ,ജനത്തിന്‍റെ സൌര്യവിഹാരത്തിന് തടസ്സമില്ലാത്ത വിധം ആര് സമരം ചെയ്താലും പോലീസ് അവരെ തടസ്സപെടുത്തുകയോ ,എതിരിടുകായോ അരുത് .

അല്ലാതെ, സമരത്തിന്‍റെ മറവില്‍ അക്രമം നടത്താന്‍ ഏത് പാര്‍ട്ടികളുടെ വിദ്യാര്‍ത്ഥി സംഘടനകള്‍ ശ്രമം നടത്തിയാലും അടിച്ചുതന്നെ ഒതുക്കണം .ജാമ്യം നല്‍കാതെ കര്‍ശനമായ ശിക്ഷാ നടപടിയ്ക്ക് വിധേയമാക്കണം .

അത് അവര്‍ വീണ്ടും ആവര്‍ത്തിക്കാത്ത വിധം മാതൃകാപരമായി തന്നെ അക്രമ സമരക്കാരെ കൈകാര്യം ചെയ്യണം .ഇവരുടെ സമരം മൂലം ഗതാഗതം തടസ്സപെട്ടു വഴിയില്‍ കിടന്നു കഷ്ട്ടപെടുന്ന സാധാരണക്കാരുടെ ബുത്തിമുട്ട് അവരും മനസ്സിലാക്കണം .മലബാരില്‍നിന്നും മറ്റും ഒരു ദിവസം മുഴുവന്‍ യാത്ര ചെയ്ത്‌ തലസ്ഥാനത്ത്‌ കാര്യസാധ്യത്തിനു വേണ്ടി എത്തുന്നവര്‍ അനുഭവിക്കുന്ന യാതനയുടെ ഒരു പങ്ക് അക്രമികളും മനസ്സിലാക്കട്ടെ .

വീട്ടിലോ ക്ലാസ്സിലോ മാന്യമായി ഇരുന്നു പഠനം നടത്തുന്ന കെ എസ് യുക്കാരനെയും എസ് എഫ് ഐക്കാരനെയും പോലീസ് മര്‍ദ്ധിക്കില്ല .റോഡില്‍ കിടന്ന് തെമ്മാടികളെ പോലെ പെരുമാറിയാല്‍ അടിച്ചേ മതിയാകൂ .അതിനാണ് ലാത്തി .

എന്നാല്‍ ഇന്നലെ എസ് എഫ് ഐ പ്രാദേശിക നേതാവ്‌ നിയാസ്സിനെ തല്ലിയപോലെ അടികൊണ്ടു വീഴുന്നവനെ വളഞ്ഞുവച്ച് എല്ലാവരും കൂടി അടിക്കുന്നതല്ല ക്രമസമാധാന പാലനം .അങ്ങനെ വീഴുന്നവനെ പൊക്കിയെടുത്തു ജീപ്പിലിട്ടു സ്റ്റേഷനില്‍ കൊണ്ടുപോയി നിയമത്തിനു മുന്‍പില്‍ ഹാജരാക്കണം .

അടിച്ചുകൊല്ലാനല്ല ലാത്തി .അടിച്ച് പിന്തിരിപ്പിക്കാന്‍ മാത്രമാണത് . ഇതുപോലെ യുണിവേഴ്സിറ്റി ക്യാമ്പസ്‌ പോലീസ് നടപടിയിലൂടെ ശുദ്ധീകരിക്കണം .

അതിനുള്ളില്‍ അക്രമികള്‍ക്ക് കയറാമെങ്കില്‍ തീര്‍ച്ചയായും പോലീസിനും കയറാം .അതിനുള്ളില്‍ ആയുധശേഖരമുണ്ടോ ,അക്രമികള്‍ ഒളിച്ചിരിപ്പുണ്ടോ എന്നൊക്കെ പോലീസ് പരിശോധിക്കണം .ഈ പരിശോധന കൃത്യമായ ഒരിടവേളയില്‍ നടത്തുകയും വേണം .